Euskadiko kluben txapelketak Durangon eta Getxon

Egilea: Pululu Itzulpena: Auritz Mendizabal

Asteburu honetan hasiko da Euskadiko aire zabaleko pistaren denboraldia, Euskadiko Kluben Txapelketekin.

Txindoki Jaso Autowag ATk larunbatean arratsaldez parte hartuko du Durangon Euskadiko lehen mailako txapelketan emakumezkoen taldearekin, bigarren kategoriara jaisten zaituen zortzigarren eta azken postua saihesteko. Iaz seigarrenak izan ziren, baina aurten taldea osatu gabe eta bajez lepo aurkeztuko dira. Gainera, zenbait atletek proba ez-ohikoak egingo dituzte.

Igande goizean, Getxon, gizonezkoen taldea bigarren kategoriako Euskadiko txapelketan arituko da. Kasu honetan, nahiz eta beteranoak eta gazteak nahasita egon eta lesioagatiko baja sentiberak izan, taldea osatu egingo da, eta lehen kategoriara igotzeko borrokatuko da. Zeregin neketsua da, eta zenbait proba egin beharko dituzte puntuatzeko. Iaz bigarren postua lortu zuten, eta aurten ez litzateke ona bigarren mailan podiumetik kanpo geratzea.

Igande goizean, Irunen, aire zabaleko pistako eskolako Gipuzkoako txapelketaren lehen jardunaldia egingo da alebin eta infantilentzat, eta Txindokiko eskolako atleta askok parte hartuko dute.

Igandean, goizean, Iruñean, “Iruñeko gotorlekua” izeneko ibilaldi atletikoko sari nagusia izango da.

Herri-lasterketetan, larunbatean, Kilimon Traila Mendaron eta Sierra de Codes traila Torralba Rion (Nafarroa); igandean, Donostiako maratoi-erdia; gainera, atleta federatuentzako maratoi-erdiko Euskadiko txapelketa da, eta 10 km-ko lasterketa paraleloa ere izango da; Arrasate-Udalatx Arrasaten, paseoaen polpullarra Gasteizen eta Neska Korrika Azkainen.

Emaitzak

Ourensen jokatutako pista estaliko 16 urtez beherakoen Espainiako txapelketan, dena primeran hasi zen larunbat goizean, Maddi Mendizabalen zazpigarren postu handiarekin pertigarekin jauzi eginez. Jauzi hoberena egin zuen 2.91ko lehenengoan pasatuz, eta 3.01 bota zuen hiru saialdietan. Lehenengoan gainditu zituen 2.61 eta 2.76 ere. Gogoratu 8. marka onenarekin joan zela.

Handik gutxira, Ane Barandiaranek primeran korritu zuen 1000 metroko serie finalerdia, eta serie azkerrenean 5. postuan iritsi zen 3:03.01 marka pertsonaleko denbora handia eginda. Espainiako 10. postuan egoteko eta finaletik postu bakar batera gelditzeko balio izan zion. Marka onenetatik 19. iristen zen bertara. Proba horretan, estatuko 35 atleta onenek parte hartu zuten, debut handia.

Pena arratsaldean etorri zen, eta Ane Iparragirre peronean azken orduko lesio desegoki bat zuela eta, ez zuen parte hartzen bere serie finalaurrekoan (600 metrotan). Hala ere, oinazea zela-eta, ezin izan zuen defendatu pistan Espainiako 24 atleta onenen markarik onenarekin iritsi izana. Espainiako markarik onenarekin iritsi zen bertara 1:34.20ko markatzarrarekin eta inork ez zuen 1:36ko langa jaitsi txapelketan. Pena, baina izango ditu aurrerago aukera ugari eta onak.

Urko Etxebesteren lehen 5000 lasterketan, aire zabaleko pistan, Espainiako 18 urtez azpikoen txapelketan, larunbatean Burjasot-en (Valentzia), gehiegizko tenperaturak, orduak eta haizeak ez zuten batere lagundu. Espainiako 11. amaitu zuen 15:42.93ko marka bikainarekin. Marka hori oso ona da 15 urterekin eta datorren urtean parte hartzeko balio izango dio 15:50 baita gutxienekoa froga horretan.

Cordoban egindako ibilbideko 20 km-ko Espainiako txapelketan, Ordiziako Tolosa CFko Hodei Caballerok portaera handia izan zuen, eta, bero handia egin zuen arren, 17. postuan iritsi zen kategoria absolutuan, eta Espainiako 7. postuan 23 urtez azpikoen kategorian 1:31:39ko marka pertsonal berri batekin. Horrek 23 urtez azpikoetan 1997tik Iban García bizkaitarrak zuen Euskadiko errekorra lortzea esan nahi du eta 1995etik Mikel Odriozolak zuen Gipuzkoakoa. 20 km-tan eta 23 urtez azpikoetan hasteko modu ederra.

Donostia-Hondarribia Talai Bidea mendiko lasterketan, debut handia egin zuen Eneko Agirrezabal segurarrak eremu horretan, 30 kilometro zoragarri egin ondoren helmugan hirugarren postua lortu baitzuen. Meritua Ordiziako San Silbestreaz geroztik dortsalik jantzi gabe baikenuen.